საქართველოს დიდი მყინვარების განაწილება ფართობისა და რაოდენობის მიხედვით
ცხრილიდან კარგად ჩანს, თუ როგორ იკლებს დიდი მყინვარების როგორც ფართობი, ისე რაოდენობა კატალოგის (ერთი ვადა) და თდზ-ის სამი შერჩეული ძირითადი ვადის, კერძოდ 2010 წ. (პირობითად, თდზ 1), 2015 წ. (პირობითად, თდზ 2) და 2020 წ. (პირობითად, თდზ 3) მიხედვით.
დასავლეთ საქართველოში კატალოგით დიდი მყინვარები არის კოდორის აუზში − 3, ენგურის აუზში − 27, რიონის აუზში −10, სულ , ხოლო თდზ 3 -ის მიხედვით კოდორის აუზში − 1, ენგურის აუზში − 1, რიონის აუზში − 8, სულ 28.
აღმოსავლეთ საქართველოში დიდი მყინვარები მხოლოდ თერგის აუზშია: კატალოგის მიხედვით − 8, თდზ 3-ით− 4.
მთლიანად საქართველოში კატალოგით იყო 48 დიდი მყინვარი, თდზ 3-ის მიხედვით დარჩა 32.
ეს ნიშნავს, რომ დასავლეთ საქართველოში დიდი მყინვარების რაოდენობა შემცირდა 30%-ით, აღმოსავლეთ საქართველოში − 50%-ით, ხოლო მთლიანად საქართველოში − 33.3%-ით ანუ მესამედით.
რაც შეეხება დიდი მყინვარების მიერ დაკავებული ფართობების ცვლილებებს, დასავლეთ საქართველოში კატალოგის მიხედვით დიდ მყინვარებს ეკავათ 257.4 კმ2, ხოლო თდზ 3-ის მიხედვით 159 კმ2 ანუ 38.1%-ით ნაკლები. აღმოსავლეთ საქართველოში დიდ მყინვარებს კატალოგის მიხედვით ეკავათ 40.2 კმ2,ხოლო თდზ 3-ის მიხედვით 24.5 კმ2,ანუ დაკავებული ფართობი 39.1%-ით შემცირდა.
მაშასადამე აღმოსავლეთ საქართველოში დიდი მყინვარების როგორც რაოდენობა, ისე დაკავებული ფართობები კატალოგის მონაცემებთან შედარებით 2020 წლისათვის უფრო ძლიერ შემცირდა, ვიდრე დასავლეთ საქართველოში.
