Institute of Hydrometeorology

ჰიდრომეტეოროლოგიის ინსტიტუტის სამეცნიერო რეფერირებადი შრომათა კრებული გამოიცემა 1956 წლიდან.
საბჭოთა პერიოდში ინსტიტუტის შრომათა კრებული ასახული იყო სამეცნიერო-ტექნიკური ინფორმაციის ორგანიზაციებში, მათ შორის რუსეთის ფედერაციის ამ პროფილის ინსტიტუტის ВИНИТИ-ს გამოცემებში. საბჭოთა კავშირის დაშლის მომენტისთვის გამოცემული იყო კრებულების 99 ტომი. ხოლო შემდგომი ტომი #100 გამოიცა უკვე 1996 წელს.
შრომათა კრებულს გააჩნია ISSN 1512-0902 ინდექსი. იგი თემატური ნიშნით გამოიცემა და ასახავს ჰიდრომეტეოროლოგიისა და ეკოლოგიის აქტუალურ პრობლემებს.
შრომათა კრებულის ყველა ტომი ანოტირებულია, და რეფერირდება საქართველოს ტექნიკური უნვერსიტეტის ინსტიტუტ ტექინფორმის ქართულ რეფერატულ ჟურნალში (ქრჟ) და ამგვარად, მიეკუთვნება რეფერირებული შრომების კატეგორიას.
ჰიდრომეტეოროლოგიის ინსტიტუტის შრომათა კრებულის ტომები განთავსებულია აგრეთვე საქართველოს პარლამენტის ციფრული ბიბლიოთეკის „ივერიელის“ ბაზაში და საქართველოს ეროვნული სამეცნიერო ბიბლიოთეკის „საბიბლიოთეკო კონსორციუმის ციფრულ არქივში“ და მინიჭებული აქვთ d-space-ის იდენტიფიკატორი. აგრეთვე, შრომათა კრებულს მინიჭებული აქვს DOI - doi.org/10.36073/1512-0902.
.